Link açıqlığı

Saatnıñ esas haberi

Ukraina Tış işler nazirligi: Putinniñ qanunsız Qırım ziyareti onıñ ukrain statusını deñiştirmey


Ukraina Tış işler naziri Pavlo Klimkin
Ukraina Tış işler naziri Pavlo Klimkin

Ukraina Tış işler nazirligi Rusiye prezidenti Vladimir Putinniñ işğal altındaki yañı ziyaretini takbih etti. Qırım.Aqiqat mühbiriniñ bildirgenine köre, Ukraina bu ziyaretni ve Ukraina tarafınen muzakere etilmegen Rusiye memurlarınıñ evelki Qırım ziyaretlerini «Rusiye tarafından Ukraina devlet mustaqilligi ve topraq bütünliginiñ qaba bir şekilde bozulması» dep saya.

«Ukraina Tış işler nazirligi Rusiye memurlarınıñ ziyaretleri Ukraina Anayasasında Qırım Muhtar Cumhuriyeti ve Aqyar şeeriniñ dünyada tanılğan statusını deñiştiremez, dep daa bir kere bildire», – dep aytıla beyanatta.

Ukraina Tış işler nazirligi «halqara uquqnıñ tanılğan printsipleri ve normalarına, şu cümleden BM nizamnamesi, BM Baş Assambleyasınıñ rezolütsiyaları, Ukraina ve Rusiye Federatsiyası taraf olğan eki taraflı ve çoq taraflı añlaşmalardaki Rusiye vazifelerine Rusiye tarafından tsinik ve açıq sayğısızlıq» dep adlandırdı.

Putinniñ Qırım ziyareti sebebinden Rusiye Tış işler nazirligine nota narazılığı yollanıldı.

Aqmescitte Lenin meydanından Sovetskaya meydanına qadar Kirov caddesinde mesken evlerniñ kirişleri blok etildi.

Martnıñ 18-nde Rusiye prezidenti Vladimir Putin Aqyarğa keldi. O, işğal etilgen Qırımda Siementurbinalı eki elektrostantsiyasınıñ işke başlamasını buyurdı. Videoda onıñnen beraber Tavriya issilik elektrostantsiyası ve Tamandaki «Port» alt stantsiyasınıñ mütehassısları bar edi.

2017 senesi iyün ayında issilik elektrostantsiyalarınıñ qurucılığı içün kerek olğan Siemens alman şirketi turbinalarınıñ Qırımğa ketirilüvinen bağlı qavğa çıqtı.

Siemens turbinalarnıñ Qırımğa ketirilmesini mahkemede itiraz etti, çünvi Avropa Birliginiñ sanktsiyaları bunı yasaq ete. Rusiyede Siemens yarımadağa ketirilgen turbinalarnı keri çekse bile, issilik elektrostantsiyaları kene de qurulacaq.

2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG