Ukraina Tış işler naziri Pavlo Klimkin ukrain diasporasınıñ vekilleri içün çift vatandaşlıqqa qoltuttı.
«Böyle ukrainler içün çift vatandaşlıqqa qoltutam ve ardı-sıra bunı aytam. Mence, kriteriylerni yazıp qoymalımız. Elbette, buña kelmek kerek. Mında çalışacaq biñlernen ukrainalını coyamız, olar tek devlet organlarına ya da bürokratiyada, bizneste çalışacaq degil, zemaneviy ukrain medeniyetini şekillendirecekler», – dep ayttı Klimkin, dep haber ete Azatlıq Radiosı.
BM 2017 senesiniñ esabatına binaen, dünyada 5,9 million ukrainalı migrant bar edi. Ukraina bu köstergiçke köre «on» memleket sırasına kirgen edi. Birleşken Milletler belli memlekette dünyağa kelip, anda yaşamağa bütün insanlarnı icretçiler sırasına kirsetmekte. BM esaplarına köre, Sovetler Birligi dağılğan soñ Rusiyede üç million ukrain qaldı.
Ukraina Anayasası çift vatandaşlıqnı almağa yasaq ete.
