Odessada iyül 7-sinde, Ukraina Silâlı Quvetlerniñ Arbiy Deñiz Quvetleriniñ Kününe bağışlap, "Ukraina sizni bekley" yazılı "Ukrpoşta" markası tamğalandı, dep bildire ADQ ştabı, dep habet ete Azatlıq Radiosı.
"Zarfta ressam Beyata Kurkulniñ "Küçük gemiçik, qayt evge" resmi bar, o, 2018 senesi noyabr 25-inde Keriç boğazınıñ yanında Rusiye quvetçileri zapt etken ukrain deñizcilerge qol tutmaq içün resimlengen edi", - denile ştabnıñ Facebook saifesinde.
Merasimde Ukrainanıñ mudafaa naziri Stepan Poltorak iştirak etti.
Deñiz aqları boyunca halqara tribunal, Hamburgda mayıs 25-inde zapt etilgen ukrain deñizcilerniñ davası boyunca oturışta, arbiy gemilerni uzatmazdan Ukrainağa qaytarmağa talap etti. İyün 25-inde qarar alınğanıñ müddet bitti, ondan soñ Rusiye tribunal qararınıñ ömürge keçirgeniniñ esabatını köstermek kerek edi.
Rusiye Tış işler Nazirligi ise, BMT tribunalınıñ bu davanı baqmağa aqqı yoq, dep aytqan ediler.
