Rusiye ve Beyazrusiyede Ukraina sıñırına yaqın yerleşken Rusiye arbiyleriniñ 95%-ı Ukrainağa kirdi. Bu aqta Washington Examiner neşiri Amerika mudafaa müessisesiniñ brifingine esaslanıp bildirdi.
Rusiye ve Beyazrusiyede Ukraina sıñırı boyunca yerleşken tahminen 170 000 arbiyniñ «qararnen 95%-ı» şimdi memleket sıñırlarında buluna, dep bildirdi ABD mudafaasınıñ yüksek vazifeli vekili jurnalistlerge. Demek ki, Rusiyeniñ yedeginde Ukrainağa daa kirsetilmegen 9 biñden az insan buluna.
Daa martnıñ 4-nde Pentagon Rusiye kirsetken quvetlerniñ sayısına 92% olaraq qıymet kesti.
Keçken künü Pentagon «yerlerde sıñırlanğan deñişmelerni» qayd etti, Rusiye ordusı «Kyiv, Harkiv ve Çerniğivge ilerilemek ve izolâtsiya etmek içün şimal ve şarqta ğayret köstere, Ukrainanıñ küçlü tirenüvini köre».
Rusiye ordusı memleketniñ cenübiy qısmında daa muvafaqiyetli oldı, işğal etilgen Qırımda olğan infrastrukturaları sayesinde qısmen.
Amerika arbiyleriniñ malümatına köre, Rusiye ordusı tahminen 600 raketa attı, er kün olarnıñ sayısı arta.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
