Ukraina Silâlı Quvetleri işğal etilgen topraqlarnı azat etmek içün inkişaf etmeli ve azırlanmalı, şu cümleden ücüm areketlerine de. Bunı Ukraina Silâlı Quvetleriniñ general-leytenantı Valeriy Zaslujnıy Azatlıq Rvdiosına bildirdi.
Aynı zamanda qayd etti ki, al-azırda bu meseleniñ diplomatik yolnen çezilüvinden ğayrı diger yolar yoq.
«Men artıq bunıñ aqqında ayttı ve daa bir kere tekrarlarım: al-azırda bu meseleniñ diplomatik yolnen çezilüvinden ğayrı diger yolar yoq. Amma işğal etilgen topraqlarımıznı küç yolunen azat etmek içün biz inkişaf ve temrin etmelimiz ve ücüm areketlerine de azırlanmalımız. Amma bu zaman, azırlıq ve para meselesidir», – dedi o.
Muvafıq ferman olğan taqdirde, Silâlı quvetler ücüm etmege azırlarmı yoqmı sualine cevap berip, Zaslujnıy dedi: "Silâlı quvetler fermanlarnı yerine ketirecekmizmi yoqmı qarar etmek içün degil, olarnı yerine ketirmek içündirler".
Rusiye Qırımnı zapt etken soñ Donbasta silâlı çatışma devam ete, onıñ neticesinde, BM malümatına köre, aman-aman 10 000 insan elâk oldı. Ukraina ve Ğarp, Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.
