Link açıqlığı

Ukraina satqınlarına Qırımda güzel bir şey beklemek kerekmey – muqavele boyunca hızmet etken asker Vagner


Qırımda hızmetke devam etmege ve Rusiye Federatsiyasına sadıqlıq antını bermege qarar alğan arbiy hızmetçilerge güzel bir şey beklemek kerekmey, dep tüşüne muqavele boyunca hızmet etken Ukraina askeri Davıd Vagner. O hızmetini Aqyarda keçe edi ve Qırım işğali neticesinde rusiye arbiyleri tarafından vahşiycesine köteklengendir.

Bunı o Qırım.Aqiqat saytına bildirdi.

«Menim bu adisege nisbeten qattı noqtaiy-nazarım bar – tek bir kere seçip, öz qararına ömür boyu sadıq qalmaq kerek. Men tek bunı bilem ve eminliknen aytam, olarğa munasebet anda aynıdır, şunıñ içün olar güzel bir şey körmezler, şübesiz. Olar endi nege oğrağanlarını añlamağa başladılar, amma keri qaytmağa çare yoq», – dep aytı Vagner.

Onıñ aytqanına köre, arbiy hızmetçilerden çoqusı bir de bir eyecannı yaşay edi ve kendileri içün ilerideki aqibetlerniñ ciddiyligini añlamay ediler. Bazıları maddiy taraftan buña tabi oldı.

«Amma, kerçekten, bu er şey tek manaçıqtır, men buña inanmayım. Eger Rusiye vatandaşı olmağa istese ediñ, köçip ketmege, vatandaşlıqnı qabul etmege imkânıñ bar edi, saña bir kimse keder etmez edi», – qayd etti ukrain arbiy hızmetçisi.

«Şunı ayta bilem ki, ştabğa kelgende, fahriy unvanları olğan insanlar közlerini saqlay edi. Men bellesem, bunı yapmamaq acet yoq edi», – dedi Vagner.
XS
SM
MD
LG