Qırımtatar Milliy Meclis reisinin muavini İlmi Ümerov, "Qırımnı Uktrainanıñ qısmı olaraq tanımaması içün" cinaiy mesüliyetni kirsetmek kerekmey, dep tüşüne. Bu aqta o Qırım.Aqiqat Radiosı efirinde ayttı.
"Ukraina Rusiyege oşağanını istemeyim. O, olğanı kibi, demokratik devlet olı qalsın ve aynı qanun-qaideler boyunca yaşasın. Rusiyede örnek alıp, er kesni cezalamağa tırışmaq kerekmey. Özz başına qarar ala bilecek adamlarğa da nasıldır bir bolluq qaldırmağa kerek. Menimce, nasıldır tedbir-merasim keçirilimesi içün cinayet cezası yapılmamaq kerek. Söz-aytılmalar içün, ise, men bellesem, Cinayet Kodeksinde öyle de yeterli madde bar ve daa qoşmağa acet yoq", - dedi Ümerov.
Tünevin Ukraina Yuqarı Şurasında №10423 qanun leyhası qayd etildi, oña köre, ilhaq etilgen Qırım ve Donetsk ve Lugansk vilâyetleriniñ işğal etilgen parçalarınıñ Ukraina qısmı olaraq "aselet tanımaması" içün cinaiy mesuliyetlikni kirsetmege teklif etildi.
Bu qanun leyhasını Ukraina Yuqarı Rada komiteti baqacaq.
Qırımnıñ rusiyeli başı Sergey Aksönov, Radada bu qanun leyhası qayd etilgenini tefsir etip, vesiqa "adamlarnı qorquzmaq içün" yapıldı, dep ayttı. Onıñ sözlerine köre, "maydan akimiyeti aqiqattan qorqa ve halqanen tek qorquzuv ve basqı tilinde laf ete bile".
