Ukrayina uçucısızlarınıñ sentâbrniñ 23-ne keçer gecesi Rusiye regionlarına qarşı ücümi vaqtında büyük sayıda ava kürrelerini qullandı, dep haber ete Rusiye ve Ukrayina kütleviy haber vastaları.
RBK agentligi Rusiye Federatsiyası Mudafaa nazirligine yaqın menbalarına ve soñki ücümden haberdar olğan subetdeşiniñ malümatına esaslanıp, bundan evel Rusiye ava mudafaa quvetleri ava kürreleriniñ qullanılğanını qayd etmegen edi. «Ava kürreleri kerçekten çoq edi, amma iç biriniñ doğrulığı yoq edi», – dedi menba.
Exilenova+ Ukrayina telegram kanalı sentâbrniñ 23-nde saba ava mudafaasınıñ quvetleri Moskva regionında «karton dron ve ava kürrelerini» tüşüre, dep yazdı.
Sentâbrniñ 22-si aqşamdan başlap Moskva ve vilâyetine Ukrayina uçucısızları ücüm ete. Yarı geceden başlap paytahtnıñ yolbaşçısı Sergey Sobânin Moskvağa yaqınlaşqan 28 dron urıp tüşürildi, dep bildirdi. Yoq etilgen dronlarnıñ umumiy sayısı 43 oldı.
Saat 11:30 qadar kelgen malümatqa köre, Moskva ava limanlarında tahminen 200 uçaq seferi keç qala ya da lâğu etildi.
Ukrayina Silâlı quvetleriniñ Baş ştabı haber etkenine köre, Rusiye ordusı Ukrayina uçucısızlarınıñ kütleviy ücümi vaqtında darbe yükü olmağan taqlit dronlarını qullana. Ukrayina Silâlı quvetleri olar ava mudafaasını yañıdan çalıştırmaq içün qullanıla, dep bildirdi.