Link açıqlığı

Saatnıñ esas haberi

Ukraina yañı muzakerelerge azır, amma «Rusiye nazlarını yerine ketirmeycek» – Ukraina Tış işler nazirligi


Dmıtro Kuleba
Dmıtro Kuleba

Ukraina tarafı tünevin keçirilgen muzakerelerniñ neticelerini talil ete ve, kerek olsa, nevbetteki muzakerelerge azır. Bu aqta Ukraina Tış işler naziri Dmıtro Kuleba martnıñ 1-nde online brifing vaqtında ayttı.

O, jurnalistniñ nevbetteki muzakereler ne vaqıt olacaq ve, fevralniñ 28-nde olğanı kibi, «er bir muzakereden soñ avadan darbe kelecegini beklemek kerekmi» sualine cevap berdi.

«Ne yazıq ki, ava darbeleri er vaqıt ola bile. Muzakerelerni aytsaq, tünevin olıp keçkenlerni talil etemiz. Prezident haberdar etildi, er bir tafsilâtı, tünevin olğan subet aqqında er şey haber etildi. Biz qarar alıp, kerek olsa, yañı körüşüvge azırlanacaqmız», – dedi o.

Aynı vaqıtta, Kuleba «Ukraina diplomatiyağa inanğanı içün» böyle körüşüv ötkerilmeli, dep ayttı.

«Biz bu zıddiyetniñ diplomatik yolnen al etilmesine azırmız. Amma Rusiye Federatsiyası tek öz ultimatumlarını qoyacaq olsa, o vaqıt muzakerelerge baracaqmız. Muzakereler – muzakeredir, ve biz laf etip qarar alacaqmız. Amma Rusiye ultimatumlarını ve nazlarını yerine ketirmeycekmiz», – dep qayd etti Tış işler naziri.

Ukraina ve Rusiye eyyetleri fevralniñ 28-nde «ateş toqtatılması ve cenk bitmesi içün ortaq noqtalarını tapmaq maqsadınen» Ukraina-Beyazrusiye sıñırı rayonında muzakerelerniñ birinci raundını ötkerdi.

Ukraina akimiyeti, soñki malümatqa köre, Rusiye ordusınıñ 5710 askeri öldi. Ölgen Rusiye Federatsiyasınıñ askerleriniñ sayısını tasdıqlaycaq mustaqil malümat şimdilik yoq.

Körüşüvde olğan Prezident ofisi yolbaşçısınıñ buhranlar ile küreş mesleatçısı Mıhaylo Podolâk Ukraina ve Rusiye eyyetleriniñ muzakereleri qıyın edi, dep bildirdi. «Muzakereler qıyın. Amma bir de bir mecburiy ultimatum artıq yoq. Ne yazıq ki, Rusiye tarafı başlatqan bozucı esnaslarına tarafsız baqıp olamay», – dep yazdı Podolâk Twitterde.

Ukraina prezidenti Volodımır Zelenskıynıñ ofisi muzakerelerden evel Kyiv ateşniñ acele toqtatılması ve Rusiye ordusınıñ Ukrainadan çekilmesini talap etecek, dep bildirdi.

Rusiye eyyetiniñ yolbaşçısı Vladimir Medinskiy mümkün olğanı qadar tez añlaşmağa ümüt ete, dep aytqan edi. Amma Rusiye talapları seslendirilmedi.

Körüşüv Moskva Ukrainağa sebepsiz başlatqan ücümi sebebinden ve Harkiv ve Çerniğiv şeerleri Rusiye ordularınıñ ateşine oğrağanına dair haberler kelgende Ğarpnıñ iqtisadiy sanktsiyalarınıñ tesirlerine oğrağanda keçirildi.

Ukrainada cenk vaziyeti devam ete. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.

Prezident Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.

Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG