Ukraina Silâlı quvetleriniñ reberligi ve memleket prezidenti Volodımır Zelenskıy Mariupolde Ukraina arbiylerine yardım etmek içün «elinden kelgenini ve ziyadesini yapalar», lâkin tafsilâtlar aydınlatılmay.
Bu aqta Ukraina prezidentiniñ ofis yolbaşçısınıñ mesleatçısı Mıhaylo Podlâk Twitter saifesinde bildirdi.
«Biz duşmannı haberdar etmemek içün plan ve areketlerimizni açıq bildirip olamaymız. Bunı añlamağa rica etemiz», – dep qayd etti o.
Podolâknıñ aytqanına köre, memleketniñ arbiy-siyasiy reberligi yedekler aqqında bile ve vaziyetni şu daqqası taqip ete.
Mariupol fevralniñ 24-nde başlağan büyük istilânıñ ilk künleri Rusiye ordusı tarafından sarıp alındı. Ukraina bölükleri bir buçuq aydan berli tirene.
Aprelniñ 11-nde aqşam Mariupolni qoruğan «Azov» alayı Rusiye arbiyleri uçucısız cihazdan Ukraina arbiylerine ve şeerdeki vatandaşlarğa ne olğanı belli olmağan zeerli madde tüşürdi. Haberlerge köre, zarar körgenlerniñ nefesi tutula, vestibulo-ava yetersizligi bar, belli olmağan madde qullanıluvınıñ aqibetleri ögrenile.
