Link açıqlığı

Jeneva muzakereleriniñ Rusiyeden ğayrı, er bir iştirakçisi Qırımnı Ukrainanıñ bir qısmı olaraq tanıy. Ukraina akimiyeti de Qırım işğalini tanımayıp, yarımadanı qaytarmağa tırışacaq.

Bunı bugün Ukraina Yuqarı Radasında baş nazir Arseniy Yatsenük bildirdi.

«Bizden mülkimizni hırsızladıar – bu bizim Qırım, bizim Yalta, bizim deñizimiz, bizim toprağımız, Vladimir Vladimiroviç!», – dep ayttı ükümet yolbaşçısı.

Onıñ bildirgenine köre, Ukraina halqara toplulıqnen beraber «Qırımnı siyasiy ve diplomatik manada adım-adım qaytaracaq».

Jenevada Ukrainadaki buhranğa bağışlanğan dört taraflı körüşüvniñ iştirakçileri vaziyetni eyileştirüv aqqında añlaştılar. Rusiye tış işler naziri dedi ki, taraflar Ukrainada olğan qanunsız silâlı birleşmelerni dağıtmağa, em de zapt etilgen memuriy binalarnı boşatmağa añlaştılar.
XS
SM
MD
LG