Link açıqlığı

Şımaliy-Qırım kanalından işğal etilgen Qırımda suv berilmesi toqtaldı. UNİANnıñ bildirgenine köre, bu kanaldan Qırımğa kerek olğan miqdardan 85% suv berile edi.

Bir qaç kün evelsi, Suv resursları boyunca Devlet agenstvosı Qırım suvnı qanunsız alğanı aqqında bildirdi.

Bunen beraber, Qırım cumhuriyetiniñ «vitse-naziri» Rustam Temirgaliyev bildirgenine köre, Kiyevde Qırımğa suv bermemege aqqı yoq. Amma buna baqmadan, onıñ aytqanına köre, içmek içün suv yetişkenini bildirdi.

«Köy hocalığı şubesiz zarar körer. Mahsulat olmacaq dep aytmam, lâkin bayağı zararı olur», - dedi Temirgaliyev.

Temirgaliyev köy hocalığında tamçı uslübınen suvarılmasını közde tutulğanını bildirdi.
Ükümetniñ malümatına köre, Qırımnıñ suv içün borcı bir yarım million grivnânı teşkil ete.
XS
SM
MD
LG