Oktâbr 27-sinden başlap ilhaq etilgen Qırım ve Kyiv arasında bir saatlıq farq olacaq, çünki Ukraina "qış vaqtına" keçe.
Oktâbr 27-sinde Kyiv vaqtınen saat 4-te saba saatlarnı bir saat artqa keçirmek kerek.
Ukrainada saat deñişmesi 1996 yıl tarihı ile Nazirler Kabinetiniñ qararınen tertiplene.
Ukrainada Avropa Birliginen ve Avropanıñ çoqusı memleketlerinen beraberlikte yılda eki kere vaqıt deñişe: martnıñ soñki bazar kününde memleket "yaz vaqtına" keçe, oktâbrniñ soñki bazar kününde ise "qış vaqtına", yani öz saat quşağı vaqtına, qayta.
Keçek nyıl Avropa komissiyası Avropa birliginiñ vaqıt deñişmesinden vazgeçüv planını taqdim etti, oña köre, aza memleketler "qış" ya da "yaz" vaqtı boyunca yaşaycaqlarını özleri saylamalı. Avropa Biriliginde soñki vaqıt deñişmesi 2021 senesi olacaq, dep beklenile.
Qomşu Rusiye bir qaç yıl evel vaqıt deñişmesinden vazgeçti. İlhaqtan soñ Qırım da saatlarını keçirmey.
