Ukraina Merkeziy saylav komissiyasına dört vilâyetniñ protokollarını teşkermege qaldı, dep bildire Azatlıq Radiosı.
Al-azırda Merkeziy saylav komissiyası Volın (99,82%), Lviv (99,9%), Herson (99,87%) ve Çerniğiv (99,81%) vilâyetlerinde protokollarnıñ teşkerilüvini bitirmedi.
Şoumen Volodımır Zelenskıy şimdiki prezident Petro Poroşenkonı Lvivden ğayrı, bütün vilâyetlerde yeñe.
Ukraina prezidenti saylavlarınıñ ekinci turındaki protokollarnıñ 99,97%-ı teşkerilgen soñ Zelenskıy reylerniñ 73,23%-ını qazana, Poroşenko – 24,45%.
Merkeziy saylav komissiyası saylavlarnıñ soñki neticelerini 2019 senesi mayısnıñ 1-ne qadar çıqarmalı. Yañı saylanğan prezidentniñ inauguratsiyası iyünniñ 3-ne qadar ötkerilmeli.
