Ukraina prezidenti Volodımır Zelenskıy oktâbrniñ 16-nda Türkiyege iş ziyaretinen baracaq, dep bildirdi Prezident ofisi.
Berilgen malümatqa köre, Ukraina prezidenti Türkiye prezidenti Recep Tayyip Erdoğan ile İstanbulda körüşmege planlaştıra.
«Ukraina ve Türkiye arasında bir sıra meseleniñ muzakere etilüvi, eki taraflı vesiqalarnıñ imzalanması planlaştırıla», – dep bildirdi Prezident ofisi.
Azatlıq Radiosı bildirgenine köre, oktâbrniñ başında «Ukrspetseksport» şirketiniñ baş müdiri Vadim Nozdrâ LB.ua içün bergen intervyüsında Ukraina 6-dan 12-ge qadar Bayraktar TB2 türk insansız ava aletini satın almağa planlaştıra, dep bildirgen edi.
