Ukraina Yuqarı Şurası Qırım paytahtınıñ «Simferopol» avalimanına qırımtatar uçucı-sınavcı, Sovet birliginiñ eki defa qaramanı Amet Han Sultannıñ adı berilmesi aqqında sualni baqıp çıqacaq.
Bunı QHA agentligine «Vatan qanatları» aviatorlarnıñ teşebbüs gruppasınıñ reisi Nuri Beytullayev bildirdi.
İşbu qanun leyhası Ukraian parlamentiniñ toplaşuvına tekrar çıqarılacaqtır.
Ava limanına qırımtatar qaramanınıñ adı berilmesi aqqında teşebbüs evelleri Qırımda pek faal muzakere etile edi. Mında Aqmescit parlament ve şeer şurası Halqara grajdan aviatsiya qaidelerine esaslanıp, ava limanına yañı ad bermege red ete edi. Oña köre bir qaç ava liman aynı bir adnı taşıp olamay. Şimdi Amet Han Sultannıñ adını Mahaçkala avalimanı taşıy.
Sovet uçucı Amet Han Sultan 603 arbiy uçuşnı etip, öz başına 30 ve taqım erkânında 19 uçaqnı urıp yıqtı. Uçucı 4237 saat devamında avada bulundı. 1971 senesi fevral 1 künü Amet Han Sultan Tu-16 laboratoriyasında sınav uçuşu vaqtında elâk oldı. Moskvada Novodeviçye mezarlığında defn etildi.
Bunı QHA agentligine «Vatan qanatları» aviatorlarnıñ teşebbüs gruppasınıñ reisi Nuri Beytullayev bildirdi.
İşbu qanun leyhası Ukraian parlamentiniñ toplaşuvına tekrar çıqarılacaqtır.
Ava limanına qırımtatar qaramanınıñ adı berilmesi aqqında teşebbüs evelleri Qırımda pek faal muzakere etile edi. Mında Aqmescit parlament ve şeer şurası Halqara grajdan aviatsiya qaidelerine esaslanıp, ava limanına yañı ad bermege red ete edi. Oña köre bir qaç ava liman aynı bir adnı taşıp olamay. Şimdi Amet Han Sultannıñ adını Mahaçkala avalimanı taşıy.
Sovet uçucı Amet Han Sultan 603 arbiy uçuşnı etip, öz başına 30 ve taqım erkânında 19 uçaqnı urıp yıqtı. Uçucı 4237 saat devamında avada bulundı. 1971 senesi fevral 1 künü Amet Han Sultan Tu-16 laboratoriyasında sınav uçuşu vaqtında elâk oldı. Moskvada Novodeviçye mezarlığında defn etildi.
