OSCE-deki Ukraina missiyası Rusiye tarafından Qırım sakinlerine dair "ceza psihiatriyasınıñ" qullanuvı ile basqlar aqqında aytıp berdi.
"İkenceler qullanıla, insan menligi aqaretlene. Nariman Celâl "psihologik ve psihiatrik ekspertizasından" keçmek kerek. Ve bu işğalge qarşı çıqqan qırımlılarğa dair ceza psihiatriyası keniş qullanuvınıñ daa bir misalidir", - dedi Yevgen Tsımbalük.
O, uquq qoruyıcılar tarafından Qırım sakinleriniñ psihiatriya hastahanesinde mecburiy baqıluvdan keçmesi ile bağlı eñ azından 49 siyasiy dava qayd etilgeni bildirdi.
Hatırlatqanı kibi, böyle kibi ilk vaqia, 2016 senesi avgust ayında İlmi Umerovnıñ davası olğan edi. İlmi Umerov ise - hastahanede öz mecburiy bulunuvını “toqtanılmaz işkenceler” kibi tasvir etken.
Oktâbrniñ 7-nde işğal etilgen Qırımda tevqif etilgen qırımtatar milliy Meclisnıñ reis muavini Nariman Celâl psihiatrik hastahanege mecburiy ekspertizağa yatqızıldı.
