Ukraina Yuqarı Radasınıñ insan aqları vekâletlisi Lüdmila Denisova apis cezasına mahküm etilgen qırımtatar, "Hizb ut-Tahrir davası"nıñ mabüsi Teymur Abdullayevniñ ceza izolâtorına qapatılmasına Rusiye cezahanesiniñ müdiriyeti tarafından "iskence" dedi.
Bunıñ aqqında Denisova Facebook saifesinde yazdı.
"Teymurnıñ ŞİZO-da daimiy tutulması psihologik tazyıq şekillerinden biridir, iskencelerge beñzetmek mümkün ve İnsan aqlarınıñ ve esas azatlıqlarnıñ mudafaası aqqında Şartnameniñ 2 ve 3-nci maddeleriniñ bozulmasıdır", - dep yazdı Denisova.
Aynı zamanda ombudsman "deral cevap bermesi" ve Teymur Abdullayevniñ "aqlarınıñ tiklenmesini temin etmesi" talabı ile Rusiye İnsan aqları vekâletlisi Tatyana Moskalkovağa muracaat etti.
Krome togo, Denisova prizvala mejdunarodnoye soobşçestvo obratit vnimaniye na naruşeniye prav Teymura Abdullayeva, prodoljit deyatelnost, napravlennuyu na zaşçitu prav vseh plennikov Kremlâ i üsilit davleniye na Rossiyu dlâ "prekraşçeniya naruşeniya norm mejdunarodnogo prava" i nemedlennogo ih osvobojdeniya.
Bundan ğayrı, Denisova dünya toplulığını Teymur Abdullayevniñ aqlarınıñ bozulmasına diqqat etmege, bütün Kreml mabüsleriniñ aqlarınıñ mudafaası içün faaliyetni devam etmege ve "halqara uquq qaideleriniñ bozulmasını toqtatamaq" içün Rusiyege tazyıqnı arttırmağa çağırdı.
Oktâbrniñ 24-nde Teymur Abdullayevniñ anası Dilâra Abdullayeva oğlu kene ceza izolâtorına qapatılğanını bildirdi.
Apis cezasına mahküm etilgen «Hizb ut-Tahrir davası»nıñ mabüsi Teymur Abdullayev soñki ay içinde üçünci kere ceza izolâtorına yollandı.
Teymur Abdullayev bir yıldan ziyade Rusiyeniñ Salavat şeerindeki koloniyanıñ ceza izolâtorlarında tutuldı. Ceza izolâtorınıñ müdriyetiniñ versiyasına köre, o, tutuv rejimini muntazam tarzda bozğan. İyünniñ başında, advokatları ve tuvğanlarınıñ ğayreti sayesinde onı ŞİZO-dan çıqardılar.
Dilâra Abdullayeva iyülniñ 28-nde Kyivde Ukraina prezidentiniñ ofisi ögünde bir kişilik narazılıq aktsiyasını ötkerdi. O, başlıqlardan oğullarınıñ – Ukraina vatandaşlarınıñ azat etilmesi meselesinden ne iş körgenleri aqqında malümat bermege talap etti.
Rostov-na-Donunıñ Cenübiy okrugınıñ arbiy mahkemesi bu davanıñ mabüslerine 2019 senesi iyün ayında üküm çıqardı. Daa soñra Rusiye Yuqarı mahkemesi qırımlılarnıñ ükmüni deñiştirdi.
Uzeir Abdullayev 12 yıl ve 6 ay, Rustem İsmailov 13 yıl ve 6 ay, Emil Cemadenov11 yıl ve 6 ay, Ayder Saledinov 11 yıl ve 6 ay apis cezasını aldı. Teymur Abdullayevniñ ükmü ğayrıdan baqılğan soñ, onı 16 yıl ve 6 ayğa üküm ettiler, onıñ içün 1 yıl ve 4 ay müddetinen memuriy nezaret belgilendi.
Ukraina Tış işler nazirligi bu davağa qarşı narazılıq bildirip, Rusiyege qarşı sanktsiyalarnı quvetleştirmege çağırğan edi.
«Memorial» aq qorçalayıcı merkezi bu davanıñ bütün mabüslerini siyasiy mabüs dep tanıdı.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
