Ukraina prezidenti Volodımır Zelenskıy Ukraina Mustaqillik Künü munasebetinen Ukraina devlet mukâfatlarınen taqdirlev buyruğını imzaladı. Mukâfat alğanlar arasında qırımlılar bar.
Prezident, Ukraina Pravoslav kilsesiniñ Aqmescit ve Qırım mitropoliti Klimentni «II derece yararlıq» nişanınen taqdirledi.
«III derece yararlıq» nişanını alğanlar:
- Aq qorçalayıcı, Ukrain institutınıñ baş müdir muavini Alim Aliyev.
- Qırımtatar Milliy Meclis reisiniñ birinci muavini Nariman Celâl.
- «Qırım ailesi» cemaat teşkilâtınıñ reisi Anife Kurtseitova.
- Aq qorçalayıcı, «Qırım birdemligi» areketiniñ koordinatorı Server Mustafayev. O, Rusiyede yasaqlanğan «Hizb ut-Tahrir» teşkilâtında iştirak etkeninde qabaatlanıp, Rusiye SİZOsında tutula.
Ukraina prezidenti «Qırım» qırımtatar ansambliniñ solisti Afize Kasarayeva, artist, baletmeyster, horeograf Remziye Tarsinovağa «Ukrainada nam qazanğan artist» unvanını berdi.
«Ukrainada nam qazağan halq icadı ustazı» unvanına çölmekçi, ressam-dizayner Rustem Skibin nail oldı.
«Ukrainada nam qazanğan ressam» unvanı ressam Zarema Trasinovağa berildi.
Ukraina mustaqilliginiñ 29-ıncı yılını qayd ete. Kyivde Mustaqillik Künü munasebetinen resmiy tedbirler keçirile.
Qırımlı arbiyler, hususan qırımtatarlar, Kyivdeki Ukraina Mustaqillik Yürüşinde (ya da İmayeciler Yürüşinde) ayrı kolonna olaraq keçti.
ABD Baş kâtibi Ukrainanı Mustaqillik Künü ile tebriklep, Qırım beyannamesi aqqında hatırlattı.
ABD ve Almaniya prezidentleri ukrainalılarnıñ Mustaqillik Kününi tebrikledi.
