Ukraina Milliy telükesizlik ve mudafaa şurasınıñ kâtibi Oleksandr Turçınov Ukraina prezidenti Petro Poroşenkonıñ vekâletleri yekünlengeni sebebinden istifağa çıqtı.
Bu aqta MTMŞ matbuat hızmeti derc etken arizasında aytıla.
«Meni bu vazifege tayin etken Ukraina prezidentiniñ vekâletleri yekünlengeni içün Ukraina Milliy telükesizlik ve mudafaa şurasınıñ kâtibi olaraq vekâletlerimniñ toqtatılmasını qanunğa köre baqılmasını rica etem», – dep aytıla arizada.
Turçınov 2015 senesi yanvar ayından 2019 senesi mayıs ayına qadar MTMŞ kâtibi oldı.
Ukraina Yuqarı Radası mayısnıñ 16-nda yañı saylanğan prezident Volodımır Zelenskıynıñ inauguratsiyasını mayısnıñ 20-ne saat 10:00-ğa belgiledi.
