Ukraina Qırımnı işğalden qurtaruv meselesini kün tertibinden çıqarmay. Bu aqta Ukraina Milliy telükesizlik ve mudafaa şurasınıñ kâtibi Oleksiy Danilov MTMŞ qapalı toplaşuvından soñ jurnalistlerge bildirdi.
«Qırım meselesini kün tertibinden çıqarmaymız, çünki Qırım meselesi de bizim içün müim ola. Ukrainağa ait topraqlarımıznı, topraq bütünligimizni qoruycaqmız», – dep bildire Danilovnıñ aytqanlarını «İnterfaks-Ukraina».
Ukraina prezidenti Volodımır Zelenskıy «normand formatındaki» sammit arfesinde, dekabrniñ 7-nde, Milliy telükesizlik ve mudafaa şurasınıñ toplaşuvını ötkerdi. MTMŞ toplaşuvı Bankovayada qapalı şekilde keçirildi.
«Normand formatındaki» körüşüv dekabrniñ 9-nda Parijde ötkerilmeli. Böyle muzakereler soñki sefer 2016 senesi oktâbr ayında keçirilgen edi. Ukraina prezidenti Zelenskıynıñ aytqanına köre, «norman dördü» memleketleriniñ liderleri esirlerniñ qaytuvı, ateş toqtatıluvı, Ukraina-Rusiye sıñırınıñ kontroli ve Donbastaki saylavlarnı muzakere etecekler.
