Merkeziy saylav komissiyası Ukraina prezidenti saylavlarınıñ birinci tur neticelerini aprelniñ 7-nde resmiy şekilde çıqarıp, ekinci tur aprelniñ 21-nde olacağını ilân etti, dep bildire Azatlıq Radiosı.
Böylece, saylayıcılarnıñ 30,24%-ı Volodımır Zelenskıyge, 15,95%-ı şimdiki devlet yolbaşçısı Petro Poroşenkoğa, 13,40%-ı Yuliya Tımoşenkoğa, 11,67%-ı Yuriy Boykoğa, 6, 91%-ı Anatoliy Ğrıtsenkoğa, 6,04%-ı İğor Smeşkoğa, 5,48%-ı Oleg Lâşkoğa, 4,15%-ı Oleksandr Vilkulğa, 1,62%-ı Ruslan Koşulinskiyge qoltuttı.
Diger namzetler 1%-dan az rey qazandı.
Ukraina prezidenti saylavlarınıñ birinci turı martnıñ 31-nde oldı. Saylayıcılarnıñ 62,8%-ı iştirak etti.
