Ukraina Merkeziy saylav komissiyasınıñ malümatına köre, saat 18:25-te kelgen raqamlarğa esaslansa, Ukraina prezidenti saylavlarında şimdiki prezident Petro Poroşenkoğa rey bergenlerniñ sayısı 15,99%-ğa eksildi, Volodımır Zelenskıyge saylayıcılarnıñ 5 million 90 biñi rey berdi.
MSK malümatına köre, protokollarnıñ 90%-ı baqılğan soñ Yuliya Tımoşenkoğa 2 mln 247 biñ insan (13,35%), Poroşenkoğa – 2 mln 690 biñ saylayıcı (15,99%) rey berdi.
Volodımır Zelenskıy lider olıp qala, oña saylayıcılarnıñ 30,26%-ı (5 mln 90 biñ insan) rey berdi.
Ukrainada martnıñ 31-nde prezident saylavları olıp keçti. Saylayıcılarnıñ 63,5%-ı rey berdi.
Milliy exit poll malümatına köre, Volodımır Zelenskıy 30,6%, Petro Poroşenko – 17,8%, Yuliya Tımoşenko – 14,2%, Yuriy Boyko – 9,7%, Anatoliy Grıtsenko – 7,1%, Aleksandr Şevçenko – 0,5% qazandı.
Merkeziy saylav komissiyası saylavlarnıñ soñki neticelerini aprelniñ 10-na qadar ilân etmeli. Ekinci tur aprelniñ 21-nde olacaq.
