Ukraina medeniyet, gençlik ve sport naziri Volodımır Borodânskıy işğal etilgen topraqlar içün telekanal martnıñ 1-nde çalışıp başlamalı, dep ilân etti.
«Bugünge qadar bütün media gruppalarınen bu telekanalnıñ premyera yayınlarını berüv muzakerelerini bitirdik. Şimdi televizion gruppalarınen memorandumnı keliştiremiz», – dedi Borodânskıy Kyivdeki matbuat konferentsiyasında, dep haber ete «İnterfaks-Ukraina».
Onıñ bildirgenine köre, kanalnıñ adı eñ yaqın vaqıtta tasdıqlanacaq, kanal reberi yarışı ise endi ilân etildi.
Ukraina medeniyet, gençlik ve sport nazirligi, telekanal fevralniñ 15-nde çalışıp başlaycaq, dep bildirdi.
2019 senesi yazda Ukraina prezidentiniñ ofisi em işğal etilgen Donbas topraqları ve Qırımdaki ukrainalılarnıñ «aqlı», em de Rusiyede rusiyelilerniñ «aqlı» içün küreş maqsadınen dünya rus tilli kanalnı açmaq ğayesini seslendirgen edi.
