Link açıqlığı

Saatnıñ esas haberi

Ukraina konsulına Rusiye koloniyasında Kolçenkoğa kirmege izin berilmedi


Aleksandr Kolçenko
Aleksandr Kolçenko

Ukraina konsulı Rusiye koloniyasında tutulğan qırımlı faal Aleksandr Kolçenkoğa kirmege kene izin berilmedi. Bu aqta Ukraina Tış işler nazirliginiñ spikeri Katerına Zelenko fevralniñ 28-nde brifingde bildirdi.

«Çelâbinsk vilâyetindeki №6 tüzetüv koloniyasınıñ reberligi fevralniñ 25-nde Ukraina konsullarına Aleksandr Kolçenkonı ziyaret etmege bermedi, Aleksandr Rusiye Federatsiyasınıñ vatandaşı ola eken», – dep qayd etti Zelenko.

Sentsov ve Aleksandr Kolçenko Rusiye mahsus hizmetleriniñ vekilleri tarafından Qırımda 2014 senesi mayıs ayında, yarımadada terroristik aktlar azırlağanlarında qabaatlanıp tutulğan ediler. 2015 senesi avgust ayında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, 20 yıllıq şiddetli rejim koloniyasına qalmağa mahküm etti. Kolçenkoğa 10 yıl koloniya cezası berildi. Ekisi de qabaatlarını tanımay.

«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti. Rusiyede mahküm etilgen Oleg Sentsovnı qurtarmaq çağıruvı ile petitsiya Beyaz Saraynıñ saytında 100 biñden ziyade insan tarafından imzalandı.

XS
SM
MD
LG