Ukraina kelir ve bergi Nazirligi Ukraina bergi kodeksine deñişmeler kirsetilmesini teklif etip, qırımlılarnı bergi tölevden boşata.
Bunı nazirlikniñ matbuat hızmeti kelir ve bergi naziriniñ birinci muavini İğor Bilousnıñ aytqanlarına esaslanıp bildirdi.
«Bir taraftan, Qırım – Ukrainanıñ qısmı, onıñ sakinleri – vatandaşlarımızdır. Bugün qırımlılarnıñ bergi tölemek iç bir imkânı yoq. Bu sebepten işğal devamında olarnı bergi tölevden boşatmaq – olarnı Ukraina uquqına qaytarmaq içün yekâne yoldır», – dep añlata Bilous.
Böyle bir deñişmeler Qırım Muhtar Cumhuriyeti ve Aqyarda bergi tölev hususiyetleri aqqında qanunğa esaslanıp kirsetilecek. Onı nazirlikniñ mütehassısları azırlay.
Matbuat hızmetinde bergen malümatlarğa köre, mart ayınıñ soñunda bergi Nazirligi yerli iş adamlarına biznesni Ukrainanıñ er angi vilâyeti ya da Kiyevde resmiyleştirip, Ukraina qanunlarına köre bergi tölemege imkân berdi.
Aynı vaqıtta Qırımnıñ «baş naziri» Sergey Aksönov Ukraina devlet bücetine bergi tölemege devam etken müessiselerni tapıp, olarnı cezalamağa avale etti.
«Ukraina bücetine bergi töleycek olğanlar anda barsın ve anda çalışsın», – dedi o Aqmescitteki toplaşuvlardan birinde.
Bunı nazirlikniñ matbuat hızmeti kelir ve bergi naziriniñ birinci muavini İğor Bilousnıñ aytqanlarına esaslanıp bildirdi.
«Bir taraftan, Qırım – Ukrainanıñ qısmı, onıñ sakinleri – vatandaşlarımızdır. Bugün qırımlılarnıñ bergi tölemek iç bir imkânı yoq. Bu sebepten işğal devamında olarnı bergi tölevden boşatmaq – olarnı Ukraina uquqına qaytarmaq içün yekâne yoldır», – dep añlata Bilous.
Böyle bir deñişmeler Qırım Muhtar Cumhuriyeti ve Aqyarda bergi tölev hususiyetleri aqqında qanunğa esaslanıp kirsetilecek. Onı nazirlikniñ mütehassısları azırlay.
Matbuat hızmetinde bergen malümatlarğa köre, mart ayınıñ soñunda bergi Nazirligi yerli iş adamlarına biznesni Ukrainanıñ er angi vilâyeti ya da Kiyevde resmiyleştirip, Ukraina qanunlarına köre bergi tölemege imkân berdi.
Aynı vaqıtta Qırımnıñ «baş naziri» Sergey Aksönov Ukraina devlet bücetine bergi tölemege devam etken müessiselerni tapıp, olarnı cezalamağa avale etti.
«Ukraina bücetine bergi töleycek olğanlar anda barsın ve anda çalışsın», – dedi o Aqmescitteki toplaşuvlardan birinde.
