Ukraina Mudafaa nazirliginiñ baş istihbarat idaresi, onıñ malümatına köre, Avropada faaliyet köstergen Rusiye Federal telükesizlik hızmeti hadimleriniñ cedvelini aydınlattı.
«Er bir avropalı olarnıñ adını bilmeli. Ukraina Mudafaa nazirliginiñ baş istihbarat idaresi Avropada istilâcı memleketniñ cinaiy faaliyetinde iştirak etken Rusiye FSBsiniñ hadimleri cedvelini elde etti», – dep bildirdi Baş istihbarat idaresi.
İdareniñ malümatına köre, cedvelde 620 insan bar. Adı, soyadı, baba adı, iş yeri, qayd olğan adresi, pasport malümatı bar.
Rusiye akimiyeti aydınlatılğan cedvelni daa izaatlamadı.
Poloniya qarşı casuslıq bildirgenine köre, casuslıqtan şübheli olğan 45 Rusiye diplomatından ibaret cedvelni tizdi. Olarnı memleketten sürgün etmege tevsiye etildi.
Martnıñ 18-nde Bulğaristan 10 Rusiye diplomatını «sıñır tışı şahısları» ilân etip, olarğa memleketni terk etmeleri içün 72 saat berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3enufiq6nhnir.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
