Ukraina İslâm işbirligi Teşkilâtınınıñ ortaq azası olmaq içün muracaatta bulunacaq. Bunı qırımtatarlarnıñ lideri ve Ukraina halq deputatı Mustafa Cemilev bildirdi.
Cemilev eki kün evelsi bu teşkilâtnıñ baş kâtibi ile Saudiy Arabistanda körüşti. Tedbirde Ukrainanıñ teşkilât terkibine kirüv meselesi muzakere etildi, dep haber ete RBK-Ukraina.
«Bizler Ukrainanıñ bu teşkilât terkibine ortaq aza olaraq kirmesini muzakere ettik. Rusiye anda bar. O, memlekette 27 mln musulman bar olğanını bildirip, anda nezaretçi statusını aldı», – dep ayttı Cemilev.
Cemilevniñ aytqanına köre, İslâm işbirligi Teşkilâtınınıñ reberligi dey ki, Ukraina reberligi bunıñnen bağlı ariza bermeli.
«Onıñ içün qaytqan soñ men Yatsenüknen (Ukraina baş naziri Arseniy Yatsenük ile) körüştim . Al-azırda emir azırlanıla. Bu müim bir şey, çünki 56 memleketniñ areketlerine tesir etmek mümkün, ekinciden ise, bayağı küçlü İslâm bankınıñ imkânlarından faydalanmaq mümkün», – dep qayd etti Cemilev.
O, şunı da bildirdi ki, İİT baş kâtibi Ukrainağa qol tuta: «Baş kâtip qol tutacağını ayttı, lâkin mında qararlar bir ağızdan qabul etilgenini bildirdi. Problemli olğan memleketler de bar. Qararları müim olğan memleketler gruppası da bar: Saudiy Arabistan, Turkiye ve İran, olar eñ itibarlı olalar. Lâkin biz ümüt etemiz ki, Ukrainanı qabul etecekler», – dep ayttı Cemilev.
Onıñ bildirgenine köre, onı iyün ayında ötkerilecek İslâm İşbirligi Teşkilâtınıñ tış işler nazirleri körüşüvine davet ettiler.
Cemilev eki kün evelsi bu teşkilâtnıñ baş kâtibi ile Saudiy Arabistanda körüşti. Tedbirde Ukrainanıñ teşkilât terkibine kirüv meselesi muzakere etildi, dep haber ete RBK-Ukraina.
«Bizler Ukrainanıñ bu teşkilât terkibine ortaq aza olaraq kirmesini muzakere ettik. Rusiye anda bar. O, memlekette 27 mln musulman bar olğanını bildirip, anda nezaretçi statusını aldı», – dep ayttı Cemilev.
Cemilevniñ aytqanına köre, İslâm işbirligi Teşkilâtınınıñ reberligi dey ki, Ukraina reberligi bunıñnen bağlı ariza bermeli.
«Onıñ içün qaytqan soñ men Yatsenüknen (Ukraina baş naziri Arseniy Yatsenük ile) körüştim . Al-azırda emir azırlanıla. Bu müim bir şey, çünki 56 memleketniñ areketlerine tesir etmek mümkün, ekinciden ise, bayağı küçlü İslâm bankınıñ imkânlarından faydalanmaq mümkün», – dep qayd etti Cemilev.
O, şunı da bildirdi ki, İİT baş kâtibi Ukrainağa qol tuta: «Baş kâtip qol tutacağını ayttı, lâkin mında qararlar bir ağızdan qabul etilgenini bildirdi. Problemli olğan memleketler de bar. Qararları müim olğan memleketler gruppası da bar: Saudiy Arabistan, Turkiye ve İran, olar eñ itibarlı olalar. Lâkin biz ümüt etemiz ki, Ukrainanı qabul etecekler», – dep ayttı Cemilev.
Onıñ bildirgenine köre, onı iyün ayında ötkerilecek İslâm İşbirligi Teşkilâtınıñ tış işler nazirleri körüşüvine davet ettiler.
