Cumaaqşamı künü, oktâbrniñ 14-nde, Ukrainada ilk sefer Memleketniñ imayecileri künü qayd etile.
2021 senesi iyülniñ 14-nde Yuqarı Rada er yıl oktâbrniñ 14-nde qayd etilgen «Ukraina imayecileri künü» bayramınıñ adını «Ukrainanıñ imayeci erkekleri ve imayeci qadınları kününe» deñiştirdi. 317 halq deputatı bu qararğa qoltuttı.
Qanun leyhasınıñ tefsir tezkeresinde onıñ qabul etilüvi eki cınısnıñ arbiyleri rolüni aynı şekilde aydınlatmasına yardım ete, dep qayd etile. Em de qadın ve erkeklerniñ Ukraina mustaqilligini ve topraq bütünligini qorumaq içün qoşqan isselerini qayd etmek mümkün olacaq.
Azatlıq Radiosı Kyivde Ukrainanıñ imayeci erkekleri ve imayeci qadınları kününde keçirilecek tantanalı tedbirlerni yayınlaycaq:
Azatlıq Radiosınıñ mühbirleri Kyivde ötkerilecek «UPA şerefi yürüşini» de közetecek.
Qayd etmek kerek ki, oktâbrniñ 14-nde Ukrainada Qazaqlıq künü, Ukraina isyancı ordusını quruv künü ve Presvâtaya Bogoroditsa Pokrovı künü qayd etile.
