Ceppar: Meclis «Qırım platformasında» müim rol oynamalı (video)

Ukraina Avropa Birligi ve NATO ortaqlarına «Qırım platformasını» – yarımada işğaliniñ bitmesine yardım etecek yañı halqara teşebbüsni – taqdim etti. «Maqsat – Qırım acendasınıñ intensifikatsiyasıdır. Bu platformanıñ eñ yüksek seviyesi – sammit», – dep ayttı Qırım.Aqiqatqa Ukraina Tış işler naziriniñ birinci muavini Emine Ceppar. Nazir muavininiñ fikirince, Qırımnıñ siyasiy-diplomatik qaytarıluvı içün mantıqiy delil müim. «Bu farqlı formatlar, Qırım mevzusı bir şekilde yanğıray. Ukraina pek faal olmalı, dep tüşünem: tek olğanlarnı muntazam sürette çalıştırmaq degil, yañı teşebbüslerni şekillendirmek kerek», – dedi Ceppar. Emine Cepparnıñ qayd etkenine köre, yañı teşebbüste Qırımtatar Milliy Meclisi müim rol oynamalı.