Link açıqlığı

Ukraina havfsızlıq hızmeti: Rusiye snayperine öldürilgen ukrain zabiti içün 1000 dollar vade ettiler


Mayıs 21 künü ukrain sıñırında tutıp alınğan Rusiye vatandaşı Rusiye mahsus hızmetiniñ vazifesi ile qanunsız silâlı taqımlarda iştirak etmek içün Ukraina şarqında ketkenini ayttı. Bunı Ukraina havfsızlıq hızmetiniñ beyanatında bildireler.

Ukraina havfsızlıq hızmeti tarafından aşkâr etilgen videoda 39 yaşında olğan adam snayper olğanını ve Çeçenistan toprağında arbiy areketlerde iştirak etkenini bildire. Onıñ sözlerine köre, Ukrainağa ketmezden evel o, Rostov-na-Donu tarafından talimattan keçti.

«Öz işi içün» o mukâfatnı elde etmek kerek edi: ukrain adiy askeriniñ öldürüvi içün – 100 dollar, zabitniñ – 1000 dollar, qaytıp kelgende ise daa 2000 avro»,– denile Ukraina havfsızlıq hızmetiniñ beyanatında.

Adamnı «Harkov-Passajirskiy» demir yol stantsiyasında yaqaladılar. Şimdilik o apiste buluna. Taqiqat devam ete.

Ukraina havfsızlıq hızmeti cinayet boyunca malümatnı Ukraina Cinaiy kodeksiniñ 114 maddesi 1 qısmına köre – casuslıq, mahkemeden evel taqiqatlarnıñ Yekâne reyestrine kirsetti.
XS
SM
MD
LG