Link açıqlığı

Ukraina havfsızlıq hızmeti 23 yaşında olğan rusiye casusnı yaqaladı


Ukraina havfsızlıq hızmeti Ukraina cenübiy vilâyetlerinde vaziyetni kerginleştirmek içün mahsus çalışqan Rusiye vatandaşını yaqaladı, dep bildire Ukraina havfsızlıq hızmetiniñ mabuat-merkezi.

Ukraina havfsızlıq hızmetiniñ bergen malümatına köre, yaqalanğan 1991 senesi dünâğa kelgen Mariya Kоleda Hersonğa aprel 4 künü kelip çıqqandır. Kоledanıñ aytqanı kibi, bu onıñ Ukrainağa etilgen 9-ncı seyahatıdır.

«Aprel 5-6 künleri qız Hersonda rusiye areketleriniñ lider ve aktivitsleri ile körüşüvlerni keçirdi. Bundan da ğayrı, yerli vaziyetniñ nezareti boyunca vilâyetniñ rayon merkezlerine barğandır», – dep bildire SBU.

Bunıñnen beraber, aprel 7 künü Kоleda Nikolayev vilâyet memuriyeti yanında olıp keçken qavğalarda da iştirak etken edi. Şu vaqıtta silânı qullanıp, aytqanı kibi, 3 insanğa zarar ketirdi. Bundan soñ, saqlanaraq, Herson vilâyetine kaytıp keldi.

Belli olğanı kibi, aprel 8 künü Kоleda aktivistlerde qolnen yasalğan patlayıcı tertibatlarnıñ bar oluvı ve olarğa atıcı silânıñ berilmesi içün añlaşmanıñ amelge keçüvi aqqında öz Rusiyediki başlığına bildirgen eken. O Donetskte kütleviy tertipsizliklerni meydanğa ketirmek içün eki diversion gruppanıñ (Hersondan 7 insan ve Yañı Kahovkadan – 6) azırlanuvı aqqında malümat berdi.

«Kоleda Qırım ile Ukraina qıtası arasında hızmet etken Ukraina devlet sıñır hızmetiniñ silâllanuvını teşkermek ve SBU tarafından yasaq olğan insanlarnıñ Qırımğa kirüv imkâniyetlerini ögrenmek vazife aldı», – qayd ettiler matbuat-merkezde.

Yaqalanuv vaqtında Rusiye vatandaşından pıştavnı ve diversion gruppalarnıñ azırlanuvı boyunca usuliy tevsiyelerni tutıp aldılar.
XS
SM
MD
LG