Ukraina din adamları ilhaq etilgen Qırım ve işğal etilgen Donbas sakinlerine barışıq muracaatını yaptı. Muracaat videosı saylanğan Ukraina prezidenti Volodımır Zelenskıynıñ Facebook saifesinde derc etildi.
Haber etilgeni kibi, Kyiv vaqtınca kontrol etmegen topraqlarnıñ sakinlerine Ukraina Pravoslav kilsesiniñ Fahriy patriarhı Filaret, Ukraina pravoslav kilsesiniñ (Moskva patriarhatı) yolbaşçısı Kyiv mitropoliti Onufriy, Ukraina yunan-katolik kilsesiniñ yolbaşçısı Svâtoslav, Qırım Muhtar Cumhuriyeti musulmanları diniy idaresiniñ müftisi Ayder Rustemov, Odesa ve Ukraina cenübiniñ baş ravvini Avraam Volf, müfti Ahmed Tamim, «Umma» Ukraina musulmanları diniy idaresiniñ müftisi Said İsmagilov, Dnipro ve Dnipro vilâyetiniñ baş ravvini Şmuel Kaminetskiy, Harkiv ve Ukraina Şarqınıñ baş ravvini Moyşe Moskoviç, Kyivniñ baş ravvini Moyşe Reuven Asman, Donbasnıñ baş ravvini Pinhas Vişetskiy muracaat ettiler.
Videoda Ukraina Pravoslav kilsesiniñ yolbaşçısı, mitropolit Epifaniy yoq.
Aprelniñ 30-nda Ukraina prezidenti olaraq saylanğan Zelenskıy Ukraina Pravoslav kilsesinni yolbaşçısı Epifaniy ile körüşken edi.
Daa soñra Zelenskıy Ukraina pravoslav kilsesiniñ (Moskva patriarhatı) mitropoliti Onufriy ve Ukrainanıñ diger din adamlarınen körüşti.
