Rusiye Federatsiyası tarafından yük maşinaları küç qullanıp, Ukrainağa kirdiler.
Bunı Ukraina Devlet sıñır hızmetiniñ beyanatı tasdıqlay.
Hızmetniñ malümatına köre, Rusiye tarafından silâ ve silâlı adamlar kirsetilmesi sebebinden «Birükovo» Lugansk sıñır hızmetiniñ quvetleştirilgen sıñır taqımı Astahovo ukrain mesken noqtası ve Rusiyeniñ Novoprohorovka noqtasında devlet sıñırını imaye etti.
«Mayıs 27-de saat 3.30 sıñırcılar Rusiye tarafından Ukraina devlet sıñırına taba ketken yük maşinaları, yengil maşinalar ve mikroavtobuslar kolonnasını kördiler. Saat 3.40 kolonna devlet sıñırından keçti, mında oña qarşı ateş açıldı. Çatışma yüz berdi. İşğalciler qısmen Ukrainağa kirip, Antratsit şeerine taba kettiler», – dep bildireler Ukraina sıñır hızmetinde.
Arbiy areketler neticesinde sıñırcılar bir mikroavtobus ve eki yengil maşinanı zapt ettiler, bir adam ağır yaralandı. Hızmet bergen malümatlarğa köre, yaqalanğan maşinalarda Kalaşnikov avtomatları, RPG ve patlav maddeleri bar edi.
Devlet sıñır hızmetiniñ malümatına köre, «Dmitrovka» (Donetsk vilâyeti) sıñır hızmetiniñ noqtası qarşısında, Rusiye tarafından 10 km mesafede silâlı adamlarnen 40 «Kamaz» tura, olar Ukraina devlet sıñır hızmetinden keçmege azırlanalar.
Ukraina devlet sıñır hızmeti Rusiye FSB sıñır hızmetini haberdar etip, Rusiye tarafından sıñırnı qanunsız alda keçüvge yol bermemege çağırdı.
Bunı Ukraina Devlet sıñır hızmetiniñ beyanatı tasdıqlay.
Hızmetniñ malümatına köre, Rusiye tarafından silâ ve silâlı adamlar kirsetilmesi sebebinden «Birükovo» Lugansk sıñır hızmetiniñ quvetleştirilgen sıñır taqımı Astahovo ukrain mesken noqtası ve Rusiyeniñ Novoprohorovka noqtasında devlet sıñırını imaye etti.
«Mayıs 27-de saat 3.30 sıñırcılar Rusiye tarafından Ukraina devlet sıñırına taba ketken yük maşinaları, yengil maşinalar ve mikroavtobuslar kolonnasını kördiler. Saat 3.40 kolonna devlet sıñırından keçti, mında oña qarşı ateş açıldı. Çatışma yüz berdi. İşğalciler qısmen Ukrainağa kirip, Antratsit şeerine taba kettiler», – dep bildireler Ukraina sıñır hızmetinde.
Arbiy areketler neticesinde sıñırcılar bir mikroavtobus ve eki yengil maşinanı zapt ettiler, bir adam ağır yaralandı. Hızmet bergen malümatlarğa köre, yaqalanğan maşinalarda Kalaşnikov avtomatları, RPG ve patlav maddeleri bar edi.
Devlet sıñır hızmetiniñ malümatına köre, «Dmitrovka» (Donetsk vilâyeti) sıñır hızmetiniñ noqtası qarşısında, Rusiye tarafından 10 km mesafede silâlı adamlarnen 40 «Kamaz» tura, olar Ukraina devlet sıñır hızmetinden keçmege azırlanalar.
Ukraina devlet sıñır hızmeti Rusiye FSB sıñır hızmetini haberdar etip, Rusiye tarafından sıñırnı qanunsız alda keçüvge yol bermemege çağırdı.
