Link açıqlığı

Ukraina devlet sıñır hızmeti: şarqiy sıñırda kerginlik arta


Donetsk vilâyetinde maşınadan sıñır bolügine bir qaç kere atış ettiler, Luganskta ise boyevikler arbiylerden silânı teslim etmege talap ete ediler.

Bunı Ukraina devlet hızmetiniñ saytı bildire, dep haber ete Azatlıq Radiosı.

«Saat 14:15 maşınadan Donetsk sıñır bölüginiñ idaresine granatomöttan bir qaç atış etildi. Neticede hızmet binası, 3 sıñırcı zarar kördi», – denile beyanatta.

«Bundan da ğayrı, «LHC» boyeviklerinden «İzvarino» kiriş noqtasınıñ sıñır bekçilerine qorquzuv keldi. Olardan saat 21-ge qadar silânı teslim etip, «LHC» tarafını almağa talap eteler. Aks alda boyevikler kiriş noqtasını blok etmege ve sıñırcılarnı yoq etmege vade eteler», – dep bildire matbuat hızmeti.

Evelleri Devlet sıñır hızmeti şarqiy sıñırda 8 kiriş noqtasınıñ vaqtınca qapatıluvı aqqında ilân etken edi.
XS
SM
MD
LG