Link açıqlığı

Ukraina baş prokuraturası: Yanukoviç, Yakimenko ve Zaharçenko Rusiyeniñ Qırım işğaline azırlıq köre ediler


Ukraina havfsızlıq hızmetinde ve Baş prokuraturada memleketniñ dörtünci prezidenti Viktor Yanukoviç Ukraina havfsızlıq hızmetiniñ sabıq başı Vitaliy Zaharçenko ile Rusiyeniñ Qırım işğaline evelden azırlanğanını qayd eteler.


Bugı maş prokuror muavini Mıkola Golomşa bildirdi.


Onıñ sözlerine köre, Baş prokuratura Adliye nazirligi ile şimdilik Qırım işğali sebebinden ketirilgen ziyanlar ile oğraşqan iş gruppasını teşkil etkenler.


«Yani, biz, o vaqialarnıñ şaraitlerini ögrenip, Ukrainada yüksek vazifelerde turğan vekâletli insanlar tarafından etilgen cinayet alâmetlerini köremiz. Şu insanlar arasında sabıq prezident, Ukraina havfsızlıq hızmetiniñ sabıq başı, içki işler sabıq naziri ve digerler, olar, añlağanımızğa köre Rusiyeniñ Qırım işğaline evelden azırlıq köre ediler», – dedi Golomşa.


Onıñ sözlerine köre, işbu şahıslarğa nisbeten Ukraina havfsızlıq hızmetinde cinaiy işler açıldı.


«Taqiqatlar neticesinde ziyanlarnıñ miqdarı, cinayetlerniñ çeşitleri ögrenile ve mahkemeden evel taqiqatlar reyestrine kirsetile», – dedi Golomşa.


Ukraina baş prokuraturası Ukraina sabıq memurları Qırım işğaliniñ teşkil etilüvine bağlı olğanını tüşüne, bunı baş prokurorınıñ birinci muavini Mıloka Golomşa matbuat konferentsiyada bildirdi.


«İşbu adisler artında, em teşkilâtçılar, em müelifdeşler olaraq aynı bu memurlar turmaqta, olarğa nisbeten cinaiy işler açıldı»,– dedi Golomşa.
XS
SM
MD
LG