Ukraina prezidenti Volodımır Zelenskıy ve Rusiye prezidenti Vladimir Putin körüşmeli, saya Ukraina baş naziriniñ Avropa integratsiyası meseleleri naziri Dmıtro Kuleba.
Bunı o Azatlıq Radiosına intervyü bergende aytıp berdi.
"Eger Rusiyede Putin qarar bergenini bilsek, anda demokratiya yoq, er şey bir adamnıñ qararına bağlı, demek, prezident Putinnen laf etmekten ğayrı başqa çare yoq. Putinnen laflardan qorqmaq kerekmey. Putin ile ne laf eteceginden qorqmaq kerek. Men bellesem, bütün memleket kördi - prezident Zelenskıy Putin ile subetke küçlü ukrain noqta-i nazarınen bara", - dedi Kuleba.
Zelenskıy ve Putin 2019 yılda dekabr 9-ında Parijne "Normandiya dörtü" liderleriniñ sammitinde körüşti. Ekinci körüşüvleri 2020 senesi yanvar 23-ünde İsrailde olacaq edi, amma olmadı: Kreml vekili Dmitriy Peskov, başqa sebeplerniñ arasında, Zelenskıynıñ Bütündünya Holokost forumında iştirak etmekten vazgeçkenini ayttı.
