Ukraina baş naziri Denıs Şmığalniñ fikirince, karantin, büyük ihtimalnen, mayısqa qadar uzatılacaq. Bu aqta o, aprelniñ 8-nde ükümet toplaşuvında ayttı, dep haber ete Azatlıq Radiosı.
«İlân etilgen ve aprelniñ 24-ne qadar devam etecek ve, büyük ihtimalnen, mayısnıñ başına qadar uzatılacaq karantin rejiminden vazgeçmeycekmiz», – dedi Şmığal.
Martnıñ 12-nde Ukrainada koronavirus yuqunçınıñ qırğınlıq telükesi sebebinden karantin başlandı. O, aprelniñ 3-ne qadar devam etecek edi, amma ükümeti onı daa üç aftağa – aprelniñ 24-ne qadar – uzatmağa qarar aldı.
Aprelniñ 6-ndan itibaren Ukraina Nazirler şurası karantin qaidelerini sertleştirdi: cemaat yerlerinde betinde maska ya da respirator olacaq, ekiden çoq insan beraber yürmeycek ve park, skver ya da yalıdaki alanlar ziyaret etilmeycek.
