Ukraina almanlar Şurası Ukraina mudaafa Nazirligi ve Baş prokuratura yolbaşçılığına işğal olunğan Qırımda ukrain arbiy adamlarınıñ insafsız dögüvleri boyunca teşkerüvlerni alıp barmağa muracaatta bulundı.
Olğan malümatlarğa köre, Qırımda Fiolent burnunıñ A3009 064 arbiy qısmında 2013 senesinden muqavele boyunca qavmiy alman adamı – 33 yaşında olğan Davıd Vagner hızmet etmektedir. Onıñ qısmı, Qırımdaki diger qısımları kibi, RF askerleri tarafından zapt etildi.
«Mart 26 künü cumaaqşamı Davıd öz şahsiy şeylerini almaq içün arbiy qısımğa keldi. KPPda onı 6 silâlı rusiye askeri qarşıladı. Keçmege istese, onıñ yolunı qapatıp, türtmege başlaylar. Köteklev neticesinde o, esini coydı. Onı bağladılar, boynuna sıcımnı tüydertip, maşnağa taşladılar. Onı çeşit yerlerge alıp bardılar, şunıñ içün kimerde bir naqliyeni deñiştire ediler. Bazı vaqıtlar başına torbanı kiydire ediler», – dep tarif ettiler Şurada.
Bundan soñ askerni vokzalğa alıp kettiler. O anda kvartiranı kirağa ala edi, şeylerini teşkerip, qaldırdılar. Hastahanege Davıd mart 27 künü barıp oldı.
«Al-azırda ekimler onıñ oñ közüni saqlamağa areket eteler. Davıd baş ağıruvlarını is ete, ileride plastik ameliyat kerek olur. Yaqın vaqıtları Davıdnıñ Kiyevge kelmesini bekleymiz. Onıñ ilerideki tedaviylevi ile bağlı olğan tedbirlerni keçiremiz», – dediler teşkilâtta.
Ukraina almanlar Şurası ukrain arbiy hızmetçiniñ qoruvını Mudaafa nazirilginden ve Baş prokuraturadan soraylar. Olarğa endi resmiy mektüplerini de yollağanlar.
Olğan malümatlarğa köre, Qırımda Fiolent burnunıñ A3009 064 arbiy qısmında 2013 senesinden muqavele boyunca qavmiy alman adamı – 33 yaşında olğan Davıd Vagner hızmet etmektedir. Onıñ qısmı, Qırımdaki diger qısımları kibi, RF askerleri tarafından zapt etildi.
«Mart 26 künü cumaaqşamı Davıd öz şahsiy şeylerini almaq içün arbiy qısımğa keldi. KPPda onı 6 silâlı rusiye askeri qarşıladı. Keçmege istese, onıñ yolunı qapatıp, türtmege başlaylar. Köteklev neticesinde o, esini coydı. Onı bağladılar, boynuna sıcımnı tüydertip, maşnağa taşladılar. Onı çeşit yerlerge alıp bardılar, şunıñ içün kimerde bir naqliyeni deñiştire ediler. Bazı vaqıtlar başına torbanı kiydire ediler», – dep tarif ettiler Şurada.
Bundan soñ askerni vokzalğa alıp kettiler. O anda kvartiranı kirağa ala edi, şeylerini teşkerip, qaldırdılar. Hastahanege Davıd mart 27 künü barıp oldı.
«Al-azırda ekimler onıñ oñ közüni saqlamağa areket eteler. Davıd baş ağıruvlarını is ete, ileride plastik ameliyat kerek olur. Yaqın vaqıtları Davıdnıñ Kiyevge kelmesini bekleymiz. Onıñ ilerideki tedaviylevi ile bağlı olğan tedbirlerni keçiremiz», – dediler teşkilâtta.
Ukraina almanlar Şurası ukrain arbiy hızmetçiniñ qoruvını Mudaafa nazirilginden ve Baş prokuraturadan soraylar. Olarğa endi resmiy mektüplerini de yollağanlar.
