Ukraina prezidenti Volodımır Zelenskıy Ukrainanıñ Avropa Birligi azalığı arizasını imzaladı. Bu aqta Ukraina Yuqarı Radasınıñ matbuat hızmeti telegrammda bildirdi.
Haberge vesiqanıñ fotoresimi qoşuldı.
Baş nazir Denıs Şmığal Ukraina Avropa Birligine kirüv talabını mahsus protsedurağa köre berecek, dep bildirdi.
«Ukrainanı Avropa Birligine yañı mahsus protsedurağa köre qabul etmek teklifini tünevin subetimizden soñ Slovakiya baş naziri Eduard Geger seslendirdi. Gece Ukraina prezidenti Volodımır Zelenskıy Avropa komissiyasınıñ prezidenti Ursula Gertrud von der Leyen ile laf etti», – dep qayd etti baş nazir.
Şmığal, qarar tez qabul etilir, dep ümüt ete.
«Prezident qayd etkenine köre, bu ola bile, ve adaletli olacaq», – dep qoştı baş nazir.
Ukraina Avropa Birligine kermek kerek, dep bildirdi fevralniñ 27-nde Avropa komissiyasınıñ prezidenti Ursula Gertrud von der Leyen Euronews intervyüsına.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net.
