Ukraina şarqında eñ yaqın vaqıtta separatistlerge qarşı arbiy tedbirler başlanması mümkün. Kiyevniñ Rusiyege qol tutqan separatistlerge silânı teslim etmek ve memuriy binalarnı boşatmaq ultimatumı Moskva vaqtı boyunca saat 10-da yekünlene.
Ukraina milliy havfsızlıq ve mudafaa Şurasınıñ Silâlı quvetlerni qullanıp terrorizmge qarşı tedbirlerni başlamaq qararınıñ sebebi memleketniñ cenüp-şarqında yüz bergen adise-vaqialar oldı. Cumaertesi ve bazar künleri bir qaç şeerde silâlı adamlar memuriy binalarnı zapt etti. Bazar künü Zaporojye, Lugansk, Odessa ve Harkovde Maydan tarafdarları ve oña qarşı çıqqanlarnıñ mitingleri olıp keçti. Azatlıq Radiosınıñ mühbiri bildire ki, çatışmalarda aman-aman elli insan zarar kördi. Donetskte Mariupol, Kramatorsk ve Slavânskta militsiya şeer bölüklerini zapt etken adamlarğa yardım etmek içün halq imayesini şekillendirip başladılar. Bazar künü saba Slavânskta mahsus tedbirler keçirilgende Ukraina havfsızlıq hızmeti «Alfa» mahsus bölüginiñ kapitanı elâk oldı, daa dört kişi yaralandı. Separatistlerden biri elâk oldı ve bir qaç kişi yaralandı.
SBU reisi Valentin Nalivayçenkonıñ bildirgenine köre, mahsus hızmetniñ Donetskteki adise-vaqialarğa Rusiyeniñ alâqası bar olğanını tasdıqlağan vesiqaları bar, SBU 17 adamnı endi yaqaladı, olarnıñ arasında – Rusiye agentleri.
Rusiye Ukraina akimiyetiniñ silâlı gruppalarğa qarşı ordularnı qullanmaq qararını cinayet olaraq tanıp, BMT Havfsızlıq Keñeşiniñ acele toplaşuvını keçirmege talap etti. Lâkin Moskva mevamına BMT Havfsızlıq Keñeşinde qol tutmadılar.
Ukraina milliy havfsızlıq ve mudafaa Şurasınıñ Silâlı quvetlerni qullanıp terrorizmge qarşı tedbirlerni başlamaq qararınıñ sebebi memleketniñ cenüp-şarqında yüz bergen adise-vaqialar oldı. Cumaertesi ve bazar künleri bir qaç şeerde silâlı adamlar memuriy binalarnı zapt etti. Bazar künü Zaporojye, Lugansk, Odessa ve Harkovde Maydan tarafdarları ve oña qarşı çıqqanlarnıñ mitingleri olıp keçti. Azatlıq Radiosınıñ mühbiri bildire ki, çatışmalarda aman-aman elli insan zarar kördi. Donetskte Mariupol, Kramatorsk ve Slavânskta militsiya şeer bölüklerini zapt etken adamlarğa yardım etmek içün halq imayesini şekillendirip başladılar. Bazar künü saba Slavânskta mahsus tedbirler keçirilgende Ukraina havfsızlıq hızmeti «Alfa» mahsus bölüginiñ kapitanı elâk oldı, daa dört kişi yaralandı. Separatistlerden biri elâk oldı ve bir qaç kişi yaralandı.
SBU reisi Valentin Nalivayçenkonıñ bildirgenine köre, mahsus hızmetniñ Donetskteki adise-vaqialarğa Rusiyeniñ alâqası bar olğanını tasdıqlağan vesiqaları bar, SBU 17 adamnı endi yaqaladı, olarnıñ arasında – Rusiye agentleri.
Rusiye Ukraina akimiyetiniñ silâlı gruppalarğa qarşı ordularnı qullanmaq qararını cinayet olaraq tanıp, BMT Havfsızlıq Keñeşiniñ acele toplaşuvını keçirmege talap etti. Lâkin Moskva mevamına BMT Havfsızlıq Keñeşinde qol tutmadılar.
