Ukraina çetel işler nazirligi Rusiye prezidenti Vladimir Putinniñ Ukraina ile uyğunlaştırılmağan Qırım ziyaretine qattı narazılıqnı bildire, dep haber ete Radіo Svoboda.
«Ukrainada bunı Rusiye tarafınıñ Ukraina qanunlarına, halqara uquq qaidelerine, Ukraina mustaqilligi, BMT nizamnamesine ve «Ukraina topraq bütünligi» BMT Baş assambleyasınıñ rezolütsiyasına, Ukraina ile Rusiye arasında 1997 senesi alınğan dostluq işbirlik ve ortaqlıq Añlaşmasına ürmetsizligi olaraq tanıylar», – dep aytıla Ukraina çetel işler nazirligi beyanatında.
«Rusiye añlı tarzda Ukraina-Rusiye munasebetini kerginleştire ve eki taraf arasında olğan meselelerni diplomatik yollarnen çezmege istemey, bu tarik ve bunı tasdiqlay», – qoşalar müessisede.
Ukraina çetel işler nazirliginde Rusiye tarafını devletlerara munasebetlerni medeniy sürette amelge keçirmege, bütün halqara topluluğınıñ çağıruvlarını eşitmek ve Ukraina qısmınıñ işğali ve zaptı aqqında qanunsız qararlarını lâğu etmege çağıralar.
Rusiye prezidenti Vladimir Putin Ekinci cian cenkte ğalebeniñ 69 yıllığını qayd etmek içün bugün Qırımğa keldi.
Bu Rusiye Federatsiyası prezidentiniñ işğal etilgen Qırımğa ilk ziyaretidir.
Cumaaqşamı künü Almaniya çetel işler naziri Frank-Walter Steinmeier Putinniñ Qırım arbiy paradında iştiragi vaziyetni daa kerginleştirecegini aytqan edi. Almaniya kantsleri Angela Merkel qayd etti ki, eger de böyle olsa, o, pek «yazıqsınacaq» eken.
Ğarp Rusiye işğalini tanımay.
«Ukrainada bunı Rusiye tarafınıñ Ukraina qanunlarına, halqara uquq qaidelerine, Ukraina mustaqilligi, BMT nizamnamesine ve «Ukraina topraq bütünligi» BMT Baş assambleyasınıñ rezolütsiyasına, Ukraina ile Rusiye arasında 1997 senesi alınğan dostluq işbirlik ve ortaqlıq Añlaşmasına ürmetsizligi olaraq tanıylar», – dep aytıla Ukraina çetel işler nazirligi beyanatında.
«Rusiye añlı tarzda Ukraina-Rusiye munasebetini kerginleştire ve eki taraf arasında olğan meselelerni diplomatik yollarnen çezmege istemey, bu tarik ve bunı tasdiqlay», – qoşalar müessisede.
Ukraina çetel işler nazirliginde Rusiye tarafını devletlerara munasebetlerni medeniy sürette amelge keçirmege, bütün halqara topluluğınıñ çağıruvlarını eşitmek ve Ukraina qısmınıñ işğali ve zaptı aqqında qanunsız qararlarını lâğu etmege çağıralar.
Rusiye prezidenti Vladimir Putin Ekinci cian cenkte ğalebeniñ 69 yıllığını qayd etmek içün bugün Qırımğa keldi.
Bu Rusiye Federatsiyası prezidentiniñ işğal etilgen Qırımğa ilk ziyaretidir.
Cumaaqşamı künü Almaniya çetel işler naziri Frank-Walter Steinmeier Putinniñ Qırım arbiy paradında iştiragi vaziyetni daa kerginleştirecegini aytqan edi. Almaniya kantsleri Angela Merkel qayd etti ki, eger de böyle olsa, o, pek «yazıqsınacaq» eken.
Ğarp Rusiye işğalini tanımay.
