Ukrainanıñ qıta qısmında yañıdan yaratılğan “Tavriya” Aqmescit futbol klubu, Ukraina futbol çempionatınıñ ekinci ligasınıñ on doquzıncı basamağında “Nikopol” taqımınen oynacaq.
“Tavriya”nıñ resmiy saytında bildirilgeni kibi, matç aprelniñ 18-inde, cumaaqşamı künü saat 17:00-da keçirilecek.
“Elbette ki, ğalebege azırlanamız. Eki matçımız endi oldı: “Real Farma”nen oyunda eki aldıq, amma “Mir”ge qarşı da ğalebe ister edik. Biz, futbol adetince, soñki daqqalarda qaçırdıq. Bunıñ içün ğalip çıqıp, üçni almağa isteymiz, balalar azırlana”, - dep aytıp berdi Qırım.Aqiqatqa “Tavriya”nıñ futbolcısı Yevğen Sokolan.
2014 senesiniñ soñunda Futbol birleşmeleriniñ Avropa Birligi, Qırım klublarına Rusiye çempionatında iştirak etmege yasaqladı. UEFA yardımınen 2015 senesi Qırım futbol birligi yaratıldı.
