Fevralniñ 22-nden başlap Ukrainağa suvuqlar kelecek, dep bildirdi ukrain sinoptiki Natalya Didenko Facebook saifesinde.
«İleri planlar içün. Fevralniñ 22-nden başlap Ukrainadaki ava orta suvuqlarğa kelecek», – dep qayd etti Didenko.
Ukrgidromettsentr fevralniñ 22-ne Ukrainanıñ çoqusı regionlarında «sıfırdan aşağı» ava olacağını tahmin ete. Zakarpattâ vilâyeti istisna olacaq, anda ava arareti sıfırdan yuqarı 2-4 derecege köterilecek.
Hatırlatamız, fevralniñ 17-nde Kyivde orta araret rekordı oldı. 139 yıl içinde ilk sefer ava arareti +4,6 derece edi, 1974 senesi şu künü olğan rekorddan 0,1 derece çoq edi. İklim normasına köre, böyle ava martnıñ 29-na uyğun kele.
Cumaertesi künü, fevralniñ 23-nde, Qırım yarımadasında pek suvuq olacaq, qar boranı ve şiddetli şimaliy-şarqiy yel olması beklenile.
