Ukraina Yuqarı Radasınıñ insan aqları vekâletsili Lüdmila Denisova 33 ukrain siyasiy mabüsiniñ tutulğan Rusiyeniñ Rostov-na-Donu SİZO-sında COVID-19 ve qaşınma hastalığınıñ yayılması aqqında haber etti. Bunı, o, ukrain siyasiy mabümleriniñ advokatlarına atffı etip Facebook saifesinde yazdı.
"COVID-19 pandemiyasınıñ başlanğan kününden berli men muntazam tarzda işğalci memleket Rusiye Federatsiyasından apis yerlerindenki vatandaşlarımıznı ferdiy qorçalav vastaları ile temin etmege talap etem. Ancaq, muracaatlarım körmemezlikke urula. Bundan ğayrı, tibbiy yardım kösterilmegeni, ilâclarnıñ tutıp alınğanı, ukrain siyasiy mabüsleriniñ sağlıq vaziyetine şikâyetleri körmemezlikke urulğanı aqqında advokatlardan daima haber alam", - dep yazdı o.
O, Rusiye omudsmanı Tatyana Moskalkovanı kerekli tabbiy-sanitar yardım kösterilmesini temin etmege çağırdı.
"Bir daa diqqatıñıznı şuna celp etmek ister edim ki, bütün ukrain siyasiy mabüsleriniñ azat etilmesi içün halqara toplulığı tarafından vatandaşlarımıznıñ destegi ve işğalci memleket RF-na tazyıqnıñ artması soñ derecede müimdir", - dep qoştı Denisova.
Ukraina akimiyetinin malümatına köre, 450 Ukraina vatandaşı Rusiye ve Ukrainanıñ işğal etilgen topraqlarından apis yerlerde tutula.
