Aqmescitte avgustnıñ 17-nde Ukrain medeniyet merkeziniñ faalleri teşkil etken muzıka aqşamı ötkerildi. Bu aqta UMM Facebook haberinde aytıla.
«Aqmescitke uzaq Keriçten kelgen musafirimiz Tatyana Anişçenkoğa pek minnetdarım… Tatyana muzıka ve ukrainlıqnıñ kerçek sevdalısı ola, şu sebepten bandura ve gitara ketirdi, babası daa 50 yıl evelsi onı çalğan edi», – dep yazdı faal Alena Popova.
Onıñ qayd etkenine köre, medeniyet merkeziniñ bunıñ kibi kontsertleri «Qırımdaki ukrainlıqnıñ ateşini saqlap qala».
Qırımdaki Ukrain medeniyet merkezi siyasiy bir teşkilât degil. Onı faaller yarımadada ukrain medeniyetini saqlamaq ve populârlaştırmaq maqsadınen teşkil etken ediler. Bu arada Merkez iştirakçilerine tazyıq yapılmaqta: olar telükesizlik organları tarafından sorğulav ve «subetlerge» çağırıla, ekstremizmge yol berememezlik hususında tenbiylene. Qırımdaki Ukrain medeniyet merkeziniñ faallerinden biri olğan Leonid Kuzmin telükesizlik hadimleri tarafından yapılğan basqı ve qorquzuvlardan soñ 2017 senesi yarımadanı terk etmege mecbur qalğan edi.
Bıltır sentâbr ayında medeniyet merkeziniñ daa bir faali Olga Pavlenko Qırımnı terk etken edi. Bundan bir qaç kün ögüne Rusiye FSBsi evini tintken edi.
