Ukrain jurnalistleri “Qırım” qırımtatar gazetasına yardım toplamasını başlattı. “UA:Qırım” televizion kanalınıñ hadimi Müslim Ümerov Qırım.Aqiqatqa bildirgeni kibi, hayriye aktsiyası Qırımtatar jurnalistikası kününe bağışlana.
Teşkilciler - “UA:Qırım”, “Gromadske radio” ve “Beraber.Vmeste” hayriye fondu.
“Qırımda qırımtatar tilinde mustaqil matbuat bar - “Qırım” gazetası. O aqmescitte yerleşken ve qırımtatarlarnıñ yaşayışını aydınlata, özüni muhalif gazeta sayalar. Muarririyet çalışması içün cihazlar kerek, ve biz müddetsiz aktsiyanı ilân etmege qararına keldik”, - aytıp berdi Müslim Ümerov Qırım.Aqiqatqa.
Teşebbüsçiler, “Qırım” gazetasına destek videosını yazıp derc etti ve muarririyetniñ Aqmescitte işi aqqında aytıp berdi. Bu videoğa tefsir olaraq teşkilciler Youtube kanalında hayriye fondunıñ rekvizitlerini yazdı.
Ранее в комментарии Крым.Реалии главный редактор газеты «Къырым» Бекир Мамутов сообщил, что это издание в Крыму выписывают около 4500 семей.
Çarşenbe künü, aprelniñ 10-nda, qırımtatar matbuatlarınıñ jurnalistleri Qırımtatar jurnalistikası künü zenaat bayramlarını qayd ete. Bu kün 2011 senesi Bağçasarayda qırımtatar kütleviy haber vastalarınıñ konferentsiyasında tesis etilgen edi. Qırımtatar jurnalistikası künü maarifçi İsmail Gasprinskiyniñ «Terciman» eki tilli gazetasınıñ 1883 senesi aprelniñ 10-nda çıqqan ilk sanına bağışlandı.
