Link açıqlığı

Saatnıñ esas haberi

Ukrain askeri Soroka ameliyattan soñ Moskova SİZOsında buluna - ombudsmen


Tevqif etilgen ukrain deñizciler Moskova mahkemesinde, 2019 senesi
Tevqif etilgen ukrain deñizciler Moskova mahkemesinde, 2019 senesi

2018 senesi noyabr 25-inde Qırım yalısı yanında zapt etilgen ve yaralanğan ukrain arbiy adamı Vasıl Sorokanıñ, Moskovanıñ Lefortova SİZOsında bulunğanı aqqında ukrain ombudsmen Lüdmıla Denısova bildire.

“Yañçıq Rusiye ombudsmeni Tatyana Moskalkovanen telefonnen laf ettim. O, cenk esiri Vasıl Sorokağa tünevin ameliyat yapılğanını tasdıqladı. Şimdi Vasıl Lefortovo SİZOsında buluna, anda onı ekimler baqacaq ve kerekli tibbiy protseduralarnı yapacaq”, - dep yazdı Denisova Facebookta martnıñ 19-ında.

Daa evel Sorokağa ameliyat yapılganı aqqında onıñ imayecisi, rusiye advokatı Sergey Badamşin bildirdi.

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG