Qırımda Rusiye işğalinden soñ etraf kirlenmesinin altı esas ekologik meselesi bar. Bunı «Qırımda etraftaki müit: işğal devamında deñişmeler ve ğayıplar» tetqiqatınıñ onlayn taqdimatı vaqtında tabiat qoruvı meselelerinden ukrain eksperti, Ukraina tabiat qoruv gruppasnıñ reberi Aleksey Vasilük aytıp berdi.
Onıñ fikrince, Qırımda böyle meselelerni al etmek kerek: Qırım «Titanı» ekşilik toplağıçından kükürd dioksidiniñ atılması; tabiy çoplük obaları ve saylap ayıruv ve çöplükni işlegen zavodlarnıñ olmaması; kanalizatsiyanıñ deñizge aqması; yerastı suvlarnıñ pompalap çekilmesi; yarımada ve deñizden tabiat resurslarnıñ çekilmesi; çollerniñ yoq olması.
Vasilükniñ qayd etkenine köre, tetqiqat içün kosmostan yapılğan resimler, türlü blogerlerniñ malümatı, içtimaiy ağlar ve KHV-daki resimler qullanğan.
Kezlevde iyülniñ 15-nde aqşam «Ekograd» belediye unitar müessisesi çöplük poligonında yanğın oldı.
