Ukraїner neşiri ve PR Army cemaat teşkilâtı«Boysunmağanlardan qurtulmaq. Rusiyeliler qırımtatarlarnı nasıl quvdı» leyhasını taqdim etkenler. O, 2014 senesi martnıñ 27-ne bağışlana – bu künde BM Baş Assambleyası Ukrayinanıñ topraq bütünligine qoltutıp, Qırım ve Aqyarnı onıñ ayırılmaz parçaları dep tanıdılar.
Bu leyha Qırım işğali ve qırımtatar sürgünliginiñ zemin ve aqibetleri tarihını video formatında köstere.
Esas diqqat etnomedeniy tarafqa yönelgen: qırımtatar halqınıñ kimligi nasıl yoq etildi, Qırım nasıl transformatsiya etildi, onıñ medeniyeti nasıl yoq etildi ve onıñ resursları nasıl işletildi. Bir çoq insanğa az belli olğan sürgünlikten evelki kerçek Qırımnı aydınlatqan çeşit arhivlerden toplanğan Qırım ve qırımtatarlarnıñ unikal arhiv levhaları qullanıldı.
Levhalarnı şaatlarnıñ sesleri tamamlay – sürgünlikni körgen insanlarnıñ sözleri. Leyhağa ayrı duyğu renkini qoşqan şiirler ayrı bir yer aldı. İlk sefer Lilâ Bucurovanıñ «Biz qaytqan soñ» şiiri qırımtatar tiline tercime etildi.
PR Army – ticaretten tış mustaqil ukrayin teşkilâtı, cenk haberdarlığınıñ arttırıluvı ve dünyada Ukrayina imiciniñ pekitilmesinen oğraşa.
Ukraїner – 2016 senesinden başlap Ukrayina ve ukrayin köntekstini tedqq etken toplulıq ve teşkilât, ukrayinalılarğa ikâyeler añlata, olarnı dünyağa tanıta ve onlarnen tilge tercime ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
